टँकरच्या धडकेने महिलेचा मृत्यू
अंधेरी, ता. ३ (बातमीदार) ः भरवेगात जाणाऱ्या एका टँकरच्या धडकेने माघीबेन रामजी पटेल या ६३ वर्षांच्या वयोवृद्ध महिलेचा मृत्यू झाल्‍याची घटना शुक्रवारी (ता. १) घडली. तिचा पती रामजी अंबाजी पटेल (६२) हे गंभीररीत्या जखमी झाले.
त्यांना उपचारासाठी कूपर रुग्‍णालयामध्ये दाखल करण्यात आले होते. अपघातानंतर आरोपी टँकरचालक घटनास्थळाहून पळून गेला आहे, मात्र टँकरचा क्रमांक प्राप्त झाल्याने पळून गेलेल्या चालकाचा पोलिसांनी शोध सुरू केला आहे. हा अपघात शुक्रवारी सकाळी पावणेबारा वाजता अंधेरीतील विजयनगरवरून सिप्झकडे जाणाऱ्या रोडवर, पासपोर्ट कार्यालयाजवळ झाल्याचे पोलिसांनी सांगितले.
रामजी पटेल हे विलेपार्ले येथील नानावटी रुग्‍णालयाजवळील रिषभ टॉवरमध्ये राहतात. त्यांच्या मालकीचे कॉस्मेटीक दुकान असून, मृत माघीबेन ही त्यांची पत्नी आहे. सकाळी साडेसहा वाजता ते त्यांच्या पत्नीसोबत आरे कॉलनीतील तपेश्वर मंदिराच्या शंकर मंदिरात पूजेसाठी गेले होते.