पोलिस बांधवांसोबत फ्रेंडशिप डे
जोगेश्‍वरी, ता. ६ (बातमीदार) ः जोगेश्वरी पूर्व येथील मेघवाडी पोलिस ठाणे येथे पोलिस बांधवांसाेबत फ्रेंडशिप डे साजरा करण्यात आला. बृहन्मुंबई सार्वजनिक गणेशोत्सव समन्वय समितीचे अध्यक्ष ॲड. नरेश दहिबावकर आणि सहकार्यवाह शिवाजी खैरनार यांच्या मार्गदर्शनाखाली हा उपक्रम पार पडला. रविवारी (ता. ३) झालेल्‍या या कार्यक्रमात विभागातील लहान मुले आणि महिलांना सहभागी करून घेण्यात आले. पोलिस आणि स्थानिक नागरिकांमध्ये विश्वास व आपुलकीचे नाते घट्ट होण्यासाठी हा उपक्रम राबविण्यात आला. लहान मुलांनी आणि महिलांनी पोलिसबांधवांना फ्रेंडशिप बॅंड बांधले आणि त्यांचे आभार मानले.