सायकल रॅलीला पनवेलकरांचा प्रतिसाद
पनवेल (बातमीदार)ः हर घर तिरंगा मोहिमेअंतर्गत पनवेल महापालिकेमार्फत विविध उपक्रम राबवण्यात येत आहेत. या उपक्रमांतर्गत रविवार (ता. १०) सायकल रॅली काढण्यात आली. या रॅलीला विविध सायकल क्लब तसेच नागरिकांनी उदंड प्रतिसाद दिला.
राष्ट्रभिमान, देशभक्तीने भारावलेले ३०० हून अधिक सायकलस्वार रॅलीत सहभागी झाले होते. राष्ट्रध्वजाबद्दल जागरूकता निर्माण करण्यासाठी तिरंगा हाती घेऊन वडाळे तलाव येथून सकाळी ६ वाजता रॅली मार्गस्थ झाली. पनवेल सायकलिंग क्लब, रणथॉन सायकलिंग क्लब, केकेसीसी क्लब पेडल वॉरियर्स, इंडियन नेव्ही, वॉन्डरर्स ग्रुप, डीसीसी बेलापूर ग्रुप, स्पिन रोड वॉरियर्स,
पनवेल रायडर्स, निसर्गमित्र पनवेल, तिरंगा सायकलिंग, सीबीएसईएफ सायकलिंग असोसिएशन, रोटरी क्लब ऑफ पनवेल महानगर या सायकल क्लबच्या सदस्यांनी सहभाग घेतला होता.