बल्लाळ ढवळे यांना तबला विशारद पदवी प्राप्त
पेण, ता. १३ (बातमीदार) ः तबलावादक बल्लाळ ढवळे यांना अखिल भारतीय गंधर्व महाविद्यालय मिरज येथून तबला विशारद ही पदवी प्राप्त झाली आहे. त्यांच्या या यशाबद्दल सर्वत्र कौतुक होत आहे.
मागील अनेक वर्षे रायगड जिल्ह्यातील विविध ठिकाणी सांस्कृतिक कार्यक्रमांमध्ये विशेषताः भजन-कीर्तन, हिंदी मराठी आर्केस्ट्रा आणि इतर संगीत मैफलीमध्ये तबलावादक म्हणून त्यांची ओळख आहे. त्यांच्या वादनातून त्यांनी श्रोत्यांचे मने जिंकली आहेत. ढवळे यांच्या या यशामुळे रायगड जिल्ह्याची संगीत क्षेत्रात मान उंचावली आहे. त्यांच्या मार्गदर्शनाखाली अनेक नवीन विद्यार्थी तबला वादनाचे शिक्षण घेत आहेत.