चेंबूर महसूल कार्यालयातर्फे महाआरोग्य व रक्तदान शिबिर
चेंबूर, ता. १४ (बातमीदार) ः महाराष्ट्र शासन महसूल वनविभाग मुद्रांक जिल्हाधिकारी व कुर्ला कार्यालय यांच्या संयुक्त विद्यमाने रक्तदान शिबिर व महाआरोग्य शिबिर चेंबूर येथील महसूल कार्यालयाच्या सभागृहात आयोजित करण्यात आले होते. अस्थमा, शरीर, मधुमेह, रक्तदाब, थायरॉईड, ईसीजी, हृदय आणि डोळ्याची तपासणी करून मोफत औषधे देण्यात आली. त्याचबरोबर रक्तदान शिबिर घेण्यात आले होते. या वेळी तहसीलदार व अधिकारी व कर्मचाऱ्यांसह शिबिरात ३०० लोकांनी रक्तदान केले. या वेळी सहाय्यक नगर रचनाकार प्रशांत वैराट, सह दुय्यम निबंधक श्रेणी-एक मंजुषा जगताप, श्रीकांत धोपटे, प्रवीण गिरी, प्रकुल मालवे, निशा जोथुलकर, गुलाब जाधव, प्रशांत तांबे, सुहास जाधव, राहुल कांगणे, निषाद जाधव व कर्मचारी मोठ्या संख्येने उपस्थित होते.