घाटकोपर पश्चिम पारशीवाडीतील विद्यार्थ्यांना वह्यांचे वाटप
समाजसेविका कांचन बडे यांचा पुढाकार
घाटकोपर, ता. १४ (बातमीदार) ः पारशीवाडी प्रभाग क्रमांक १२९ मधील विद्यार्थ्यांना बुधवारी (ता. १३) शैक्षणिक साहित्यांचे वाटप करण्यात आले. समाजसेविका कांचन प्रशांत बडे यांच्या पुढाकाराने आयोजित या उपक्रमात विद्यार्थ्यांना वह्यांचे वितरण करण्यात आले. शालेय जीवनातील मूलभूत गरजा पूर्ण करत शिक्षणात पाठबळ देण्याच्या उद्देशाने हा उपक्रम राबविण्यात आला. विद्यार्थ्यांच्या चेहऱ्यावर हास्य फुलवणारा या उपक्रमाचे पालकांनी आणि स्थानिक नागरिकांनी स्वागत केले. याप्रसंगी बोलताना कांचन बडे यांनी प्रभागातील प्रत्येक विद्यार्थ्याला चांगल्या शैक्षणिक सुविधा मिळाव्यात, यासाठी मी सातत्याने प्रयत्नशील आहे. शिक्षण हेच भविष्य घडवते, आणि त्यासाठी आवश्यक सर्व मदत करण्यात मी कटिबद्ध आहे, असे त्या म्हणाल्या.