कल्याण रेल्वे यार्ड पुनर्रचना प्रकल्प प्रगतिपथावर
ऑक्टोबरमध्ये पूर्ण होणार
कल्याण, ता. १४ (वार्ताहर) : कल्याण रेल्वे यार्ड पुनर्रचना (रिमॉडेलिंग) प्रकल्पाच्या उभारणीचे काम प्रगतिपथावर आहे. कल्याण रेल्वेस्थानकाला नवा आयाम देण्यात येणार असून, सुमारे ८१३ कोटींचा हा प्रकल्प सध्या जलद गतीने सुरू आहे. या प्रकल्पाचा पहिला टप्पा येत्या ऑक्टोबर महिन्यात पूर्ण होणार आहे, तर येत्या दीड वर्षात उर्वरित कामदेखील मार्गी लागणार आहे. या प्रकल्पासाठी खासदार डॉ. श्रीकांत शिंदे यांनी पुढाकार घेतला आहे.
कल्याण रेल्वे यार्ड पुनर्रचना प्रकल्पांतर्गत सध्या कल्याण पूर्व भागात नवीन ट्रॅक टाकणे, फूटओव्हर ब्रिजवर कव्हरिंग शेड, डेकचे गर्डर आणि जुन्या गुड्स यार्ड ट्रॅक्स काढून नवीन टाकण्याची कामे सुरू आहेत. या प्रकल्पात गुड्स यार्डसाठी वेगळ्या रिसेप्शन आणि डिस्पॅच लाइन, तीन नवीन फूटओव्हर ब्रिज, फलाटांवर मोठ्या स्लॅबचे बांधकाम, एलिवेटेड डेक सेंटिस प्रकल्पाचाही समावेश आहे.
-------------------------------
पनुर्रचना प्रकल्पामुळे लांब पल्ल्याच्या आणि उपनगरी गाड्यांच्या मार्गिका स्वतंत्र होऊन गाड्यांची गती आणि वेळेची अचूकता वाढणार आहे. प्लॅटफॉर्मची संख्या वाढून प्रवाशांची गर्दी कमी होणार आहे.