हरवलेला ऐवज सुरक्षित परत
कर्जत, ता. १४ ः मुंबईहून कर्जतला येणाऱ्या लोकलमध्ये हरवलेला २१ हजार रुपयांचा ऐवज सुरक्षितपणे पुन्हा प्रवाशाला मिळाला आहे. या घटनेमुळे रेल्वे पोलिसांच्या प्रामाणिकपणाचे कौतुक होत आहे.
कर्जत स्थानकात आलेल्या लोकलमध्ये गुरुवारी सकाळी काळ्या रंगाची प्लॅस्टिक पिशवी आढळली होती. याबाबतची माहिती रेल्वे पोलिसांना देण्यात आली. त्यानुसार पोलिस शिपाई गोरख मासाळ, महिला होमगार्ड मोहिनी जाधव, कल्याणी काळेकर आणि प्रणाली गोळे यांनी ही पिशवी ताब्यात घेतली. पिशवीमध्ये महत्त्वाच्या कागदपत्रांसह २१ हजार रोख रक्कम होती. पोलिसांच्या चौकशीत बदलापूर येथील रहिवासी सय्यद आबीदी (वय ६९) यांची पिशवी असल्याची माहिती समोर आली होती.