बोर्डी परिसरात स्वातंत्र्य दिन उत्साहात
बोर्ड, ता. १६ (बातमीदार) : बोर्डी परिसरात स्वातंत्र्य दिन मोठ्या उत्साहात साजरा करण्यात आला. बोर्डी येथील विजय स्तंभ येथे सामाजिक कार्यकर्ते प्रेमानंद बोर्डीकर, घोलवड झेंडा चौक येथे उपसरपंच कुणाल शहा, लखानी माध्यमिक विद्यालय येथे औद्योगिक प्रशिक्षण केंद्राचे प्राचार्य सागर पाटील व ग्रामस्थांच्या उपस्थितीत मान्यवरांच्या हस्ते ध्वजारोहणाचा कार्यक्रम मोठ्या उत्साहात पार पडला.
बोर्डीसह घोलवड, रामपूर, जांबु गाव, झाई बोरीगाव ग्रामपंचायत तसेच आचार्य भिसे शिक्षण संस्था संचलित वनरावन काकूबाईला खाणीक माध्यमिक विद्यालय, राम अवतार सुरजमल मोदी औद्योगिक प्रशिक्षण केंद्र, मालती भास्कर सावे कला व गायत्री देवी मोदी वाणिज्य कनिष्ठ माध्यमिक विद्यालय, बोर्डी येथील गोखले एज्युकेशन सोसायटी संचलित फिरोज गोदरेज कनिष्ठ महाविद्यालय, सुपेह हायस्कूल, एन. बी. मेहता विज्ञान महाविद्यालय कोकण मुस्लिम एज्युकेशन सोसायटी संचलित नॅशनल इंग्लिश स्कूल जिल्हा परिषद प्राथमिक मराठी व गुजराती शाळेच्या विद्यार्थी व शिक्षकांनी सकाळी प्रभात फेरी आयोजित केली होती.