स्वातंत्र्यदिन सोहळ्याला अदा शर्माची उपस्थिती
घाटकोपर, ता. १५ (बातमीदार) ः येथे मनसेच्या वतीने आयोजित स्वातंत्र्यदिन सोहळा शुक्रवारी (ता.१६) उत्साहात साजरा करण्यात आला. विभागाध्यक्ष गणेश चुक्कल यांच्या पुढाकाराने पार पडलेल्या या कार्यक्रमात नागरिकांचा मोठा सहभाग दिसून आला. अभिनेत्री अदा शर्मा यांच्या हस्ते राष्ट्रध्वज फडकवण्यात आला आणि संपूर्ण परिसर वंदे मातरम् आणि भारत माता की जयच्या जयघोषांनी दुमदुमून गेला.
जनतेचा उसळलेला देशप्रेमाचा भाव, देशभक्तीपर गीतांनी भारलेले वातावरण आणि रंगतदार सांस्कृतिक कार्यक्रमांनी घाटकोपर देशभक्तीच्या रंगात न्हाऊन निघाले. सोहळ्याच्या माध्यमातून घाटकोपरवासियांच्या मनात देशप्रेमाची नवचेतना जागृत झाली.

निवेदिता जयपालचा शिवसैनिकांकडून सत्कार
घाटकोपर (बातमीदार) ः घाटकोपर पूर्व पंतनगर येथे शाखा क्रमांक १३१च्या उद्धव ठाकरे पक्षाच्या वतीने स्वातंत्र्य दिन साजरा करण्यात आला. याप्रसंगी विभाग प्रमुख सुरेश पाटील यांच्या मार्गदर्शनाखाली मुंबई क्रिकेट असोसिएशन १९ वर्षांखालील संघात निवेदिता सायली जयपाल हिची निवड केली. या निमित्ताने तिचा शाखेच्या वतीने शाल श्रीफळ देऊन सत्कार करण्यात आला. उपविभाग प्रमुख अजित गुजर, घाटकोपर पूर्व विधानसभा कार्यालय प्रमुख प्रकाश वाणी, शाखा प्रमुख विशाल चावक, अशोक वंडेकर, प्रसाद कामतेकर, शांताराम निकम, राजेश खरात, सतीश सोनार, अरुण चव्हाण, पदाधिकारी आणि शिवसैनिक उपस्थित होते