स्वातंत्र्य दिनी रोहेकरांनी केली व्यसन मुक्तीची प्रतिज्ञा
रोहा, ता.१५ (बातमीदार) ः भारतीय स्वातंत्र्य दिनाने औचित्य साधून रोहा अंजुमन शाळेच्या पटांगणात ध्वजारोहण कार्यक्रम उत्साहात पार पडला. शाळेचे उपाध्यक्ष अतिक बडे यांच्या हस्ते ध्वजारोहण करण्यात आले. या कार्यक्रमाच्या अनुषंगाने शिक्षिका तबस्सूम दापोलकर यांनी उपस्थितांना व्यसनमुक्तीविषयी प्रतिज्ञा दिली.
यावेळी शाळेचे चेअरमन अ. कादीर रोगे, माजी नगराध्यक्ष समोर शेडगे, माजी नगरसेवक अहमद दर्जी, महेश कोलटकर, रेवा अध्यक्ष रियाज शेटे, उपाध्यक्ष सलीम चौगले, सरफराज बंदरकर, सचिव डॉ. फरिद चिमावकर, उस्मान रोहेकर, शिंदे सर, भगवान पेणकर, मुजीब अलेकर, मुबीन करजिकर, फारूक सवाल, जमीर करजिकर यांच्यासह नागरिक मोठया संख्येने उपस्थित होते.