नवी मुंबई महापालिकेमार्फत प्रदर्शन
नेरूळ, ता. १७ (बातमीदार) ः भारत सरकारच्या वतीने गुरुवारी (ता. १४) फाळणीचा स्मृतिदिन साजरा करण्याचे निर्देश देेण्यात आले होते. त्यानुसार नवी मुंबई पालिकेच्या वतीने वाशी येथील विष्णुदास भावे नाट्यगृहात फाळणीविषयक माहिती व छायाचित्र प्रदर्शन आयोजित केले आहे. यासोबतच पालिका व खासगी शाळांमध्येही याविषयी माहितीप्रद उपक्रमांचे आयोजन करण्यात आले. शाळांमधील डिजिटल बोर्डावर केंद्र सरकारने तयार केलेला छायाचित्रांकित माहितीपट प्रदर्शित करण्यात आला. नागरिकांनीही याठिकाणी उपस्थित राहून प्रदर्शन पाहिले.