स्वातंत्र्यदिनानिमित्त विद्यार्थ्यांना क्राफ्ट व ड्रॉइंग किट वाटप
मालाड, ता. १७ (बातमीदार) ः स्वातंत्र्यदिनानिमित्त भाकर फाउंडेशन गोरेगावच्या वतीने विद्यार्थ्यांना क्राफ्ट आणि ड्रॉइंग किटचे वाटप करण्यात आले. या उपक्रमाचा उद्देश विद्यार्थ्यांच्या सृजनशीलतेला प्रोत्साहन देणे आणि राष्ट्रीय महत्त्व बालमनात रुजविणे हा होता.
कार्यक्रमात भाकर फाउंडेशनच्या बालसभेतील सदस्यांनी स्वातंत्र्यदिनानिमित्त प्रेरणादायी भाषणे दिली. यामुळे संपूर्ण वातावरण आनंददायी आणि उत्साहवर्धक झाले. या वेळी भाकर फाउंडेशनचे अध्यक्ष ॲड. दीपक सोनावणे, मयूर जाधव, प्रशांत चव्हाण, मानसी आचरेकर आणि बालसभेचे प्रमुख श्लोक गुप्ता व कस्तुरी शाहू यांच्यासह बालसभेतील इतर सदस्य उपस्थित होते.