देवगाव शिवमंदिरात दोघे अडकले
सरळगाव, ता. २० (बातमीदार) : मुरबाड तालुक्यातील देवगाव येथील शिवमंदिरात दोन शिवभक्त अडकून पडल्याने चिंता व्यक्त केली जात आहे. देवगाव येथील शिवमंदिरात केशव वारघडे व नागो राऊत दोन शिवभक्त बुधवारी (ता. २०) पहाटे पूजा करण्यासाठी गेले होते; मात्र पावसामुळे या मंदिराच्या चारी बाजूला पाणीच पाणी झाल्याने त्यांना बाहेर येता आले नाही. ते या मंदिरातच अडकले आहेत. याची माहिती तहसीलदार अभिजित देशमुख यांना मिळताच अग्निशमन दलाचे जवान घेऊन घटनास्थळी दाखल झाले; मात्र या ठिकाणी पाण्याचा प्रवाह जास्त असल्याने ड्रोनच्या साहाय्याने खाण्याच्या वस्तू व नायलॉन दोरी त्यांच्याकडे पाठविण्यात आली आहे. पाण्याचा प्रवाह कमी झाल्यावर अग्निशमन दलाची मदत घेऊन त्यांना बाहेर काढण्यात येणार आहे, अशी माहिती तहसीलदार देशमुख यांनी दिली. घटनास्थळी तलाठी व मंडळ अधिकारी उपस्थित आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.