वसई (बातमीदार) : लवकरच येणाऱ्या जैन धर्मीयांच्या पर्युषण काळात नागरी स्थानिक संस्थांच्या क्षेत्रातील मांसाहार विक्रीची दुकाने बंद ठेवण्यात येणार असल्याचा निर्णय वसई-विरार महापालिकेने घेतला असून परिपत्रक जाहीर केले आहे. पालिका हद्दीमध्ये आज बुधवारी (ता. २०) दुकाने बंद ठेवण्यात आली होती. तसेच बुधवारी (ता. २७) जैन धर्मीयांच्या पर्युषण पर्वनिमित्त चिकन, मटण विक्रीची दुकाने बंद ठेवावीत, अशी जैन धर्मीयांची मागणी आहे. याबाबत शासन निर्णयही जारी करण्यात आला आहे. त्या अनुषंगाने वसई-विरार महापालिका क्षेत्रातील मांसाहार विक्रीची दुकाने बंद ठेवून सहकार्य करावे, असे जाहीर आवाहन अतिरिक्त आयुक्त संजय हेरवाडे यांनी केले आहे.