डॉ. नरेंद्र दाभोलकर यांच्या स्मृतिदिनानिमित्त खारघरवासीयांकडून अभिवादन
खारघर, ता. २० (बातमीदार) : अंधश्रद्धा निर्मूलन समितीचे संस्थापक व सामाजिक कार्यकर्ते डॉ. नरेंद्र दाभोलकर यांच्या स्मृतिदिनानिमित्त बुधवारी (ता. २०) सकाळी मॉर्निग वॉकदरम्यान खारघरमध्ये अभिवादन सभा घेण्यात आली. या वेळी वकील जे. पी. खारगे आणि महाराष्ट्र अंधश्रद्धा निर्मूलन समिती नवी मुंबईचे कार्यकर्ते सहभागी झाले होते. २० ऑगस्ट हा नरेंद्र दाभोलकर यांचा स्मृतिदिन हा राष्ट्रीय वैज्ञानिक दृष्टिकोन दिन म्हणून देशभर साजरा केला जातो. दरम्यान, सकाळी पाऊस असतानाही मोठ्या प्रमाणात सभेत कार्यकर्ते सहभागी झाले होते.