पेण, ता. २० (वार्ताहर): तालुक्याला पावसाने चांगलेच झोपून काढले असून अंतोरे गाव पाण्याखाली गेले होते. मुस्लिम मोहल्ल्यामध्ये मंगळवारी (ता. १९) पुराचे पाणी आल्याने नागरिकांमध्ये घबराट उडाली होती; मात्र आता परिस्थिती पुन्हा पूर्वपदावर येत आहे.
हवामान खात्याच्या अंदाजानुसार कोकणासह रायगड जिल्ह्यात मुसळधार पावसाने हजेरी लावली होती. चार-पाच सलग दिवस पडणाऱ्या पावसामुळे हेटवणे धरण क्षमतेने भरल्याने त्याचे दरवाजे उघडण्यात आले. त्यामुळे मोठ्या प्रमाणात पाण्याचा विसर्ग वाढल्याने भुंगा पुलासह अंतोरे धरणाच्या पाण्याची पातळी वाढली होती. त्यामुळे संपूर्ण अंतोरे गाव जलमय झाले होते. पावसाचा जोर कायम असल्याने नवघर गावात जाण्यासाठी छोट्या होडीने जावे लागले होते. या वेळी पुराच्या पाण्यात काही लहान मुलांनी पोहण्याचा आनंद लुटला.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.