तीन हजार ठाणेकरांना मोफत पास
ठाणे शहर, ता. २५ (बातमीदार) : गणेशभक्तांसाठी गावाला जाण्यासाठी सुरु केलेल्या मोफत टोल पास योजनेला ठाणेकरांनी चांगला प्रतिसाद दिला आहे. अवघ्या तीन दिवसांत ठाणे प्रादेशिक परिवहन कार्यालयाकडून ३०१७ जण मोफत पास घेऊन गेले आहेत. अजूनही कार्यलयात पास घेणाऱ्याने मोठ्या रांगा लागत असल्याचे पाहायला मिळत आहे.

पहिल्याच दिवसापासून गणेश उत्सवाला गावी जाण्यासाठी भक्तांकडून मोठा प्रतिसाद मिळाला आहे. शासनाच्या आदेशानुसार २३ ऑगस्ट ते ८ सप्टेंबरच्या कालावधीत मुंबई–बेंगलोर राष्ट्रीय महामार्ग (क्रमांक ४८), मुंबई–गोवा राष्ट्रीय महामार्ग (क्रमांक ६६) तसेच सार्वजनिक बांधकाम विभाग व महाराष्ट्र राज्य रस्ते विकास महामंडळाच्या अखत्यारीतील इतर टोल नाक्यांवर भाविकांसाठी मोफत टोल योजना सुरु केली आहे. या प्रवासाचे पास घेणाऱ्यांना टोलचे शुल्क भरावे लागणार नाही. ‘गणेशोत्सव २०२५ – कोकण दर्शन पास’ च्या नावाने जारी करण्यात येत आहेत. हे पास दोन्ही बाजूच्या प्रवासासाठी ग्राह्य धरले जाणार असल्याचे ठाणे उपप्रादेशिक परिवहन अधिकारी रोहित काटकर यांनी सांगितले.

पासचे वितरण :
२२ ऑगस्ट : २९१७
२३ ऑगस्ट : ७४
२४ ऑगस्ट : २६

प्रकार :
नॉन-ट्रान्सपोर्ट वाहने १५८
ट्रान्सपोर्ट वाहने२८५९