हुंड्यासाठी विवाहितेचा छळ
भिवंडी, ता. २६ (वार्ताहर) ः शहरातील विवाहितेचा हुंड्यासाठी शारीरिक व मानसिक छळ केल्याप्रकरणी पतीसह चार जणांविरोधात भिवंडी शहर पोलिस ठाण्यात गुन्हा नोंदवण्यात आला आहे. पोलिसांच्या माहितीनुसार शायमा इलियास अन्सारी (वय ३१) हिचा विवाह भोईवाडा येथील इलियास इब्राहिम अन्सारी यांच्यासोबत झाला होता. २०२० ते २०२५ या दरम्यान विवाहितेस पतीसह सासू लशन, दिर अर्षद व त्याची पत्नी आसमा यांनी आपापसात संगनमत करून पीड दिला. त्यामुळे विवाहितेचे शारीरिक व मानसिक स्वास्थ धोक्यात आल्याने पीडितेने दिलेल्या तक्रारीवरून भिवंडी शहर पोलिस ठाण्यात चौघांविरोधात गुन्हा दाखल करण्यात आला आहे.