स्लॅब कोसळून चिमुकल्याचा मृत्यू
भाईंदर, ता. २६ (बातमीदार) : मिरा रोडमधील एक ४० वर्षे जुन्या इमारतीच्या दुसऱ्या माळ्याच्या छताचा भाग कोसळून चारवर्षीय मुलाचा मृत्यू झाला. यात तीन जण जखमी झाले. मंगळवारी (ता. २६) दुपारी १२ वाजण्याच्या सुमारास ही घटना घडली.
नयानगर भागातील नूर जहाँ अपार्टमेंट या इमारतीच्या दुसऱ्या माळ्यावरील घराच्या शयनगृहातील छताचा भाग मंगळवारी दुपारी १२ वाजण्याच्या सुमारास कोसळला. त्यात अब्दुल अहद या चारवर्षीय मुलाचा मृत्यू झाला, तर नसीम खान, फरीदा खान व नायिरा खान हे तीन जण जखमी झाले. त्यांच्यावर खासगी रुग्णालयात उपचार सुरू आहेत. दरम्यान, खबरदारी म्हणून इमारत तातडीने रिकामी करण्यात आली आहे.