ठाणे कुणबी सेवा संघाची १९वी सर्वसाधारण सभा
कळवा, ता. ३० (बातमीदार) ः ठाणे शहर कुणबी समाजसेवा संघाची १९वी वार्षिक सर्वसाधारण सभा नुकतीच ठाण्यातील वसंतराव नाईक सभागृहात सेवासंघाचे अध्यक्ष पी. एन. पाटील यांच्या अध्यक्षतेखाली पार पडली. या सभेत आगामी वर्षांसाठी विविध उपक्रम, वधू-वर मेळावा व समाजबांधवांसाठी मध्यवर्ती ठिकाणी नवीन कार्यालयासाठी जागेसंदर्भात चर्चा करण्यात आली व ही सभा मोठ्या उत्साहात खेळीमेळीच्या वातावरणात पार पडली. या सभेसाठी अध्यक्ष पी. एन. पाटील, सचिव किशोर पाटील, उपाध्यक्षा गीतांजली पाटील, कोषाध्यक्ष सी. बी. शेलार, कार्यकारी मंडळ सदस्य, पदाधिकारी व संघाचे कार्यकर्ते मोठ्या संख्येने उपस्थित होते.