मुंब्र्यात दरड कोसळली
सकाळ वृत्तसेवा
ठाणे, ता. ३० : येथील महापेकडून शिळ फाट्याकडे येणाऱ्या रस्त्यावर दरड कोसळल्याची घटना शुक्रवारी (ता. २९) रात्री पावणेआठ ते आठ वाजण्याच्या सुमारास समोर आली. सुदैवाने या घटनेत कोणालाही दुखापत झाली नसून तातडीने ही दरड बाजूला करण्यात आली असून हा रस्ता वाहतुकीसाठी मोकळा करून देण्यात आला. या घटनेची माहिती मुंब्रा पोलिसांनी दिल्यावर घटनास्थळी आपत्ती व्यवस्थापन कर्मचारी आणि अग्निशमन दलाच्या जवानांनी धाव घेतली, अशी माहिती आपत्ती व्यवस्थापन कक्षेने दिली.