मोबाईलच्या वाढत्या वापरावर सन्मित्र सहकारी मित्र मंडळाने टाकला प्रकाशझोत
कल्याण, ता. ३१ (वार्ताहर) : सन्मित्र सहकारी मित्र मंडळ, दूध नाका, कल्याण यांनी यंदा गणेशोत्सवात मोबाईलचा वाढता वापर समाजमाध्यम इव्हेंट सिस्टीम आणि हरवत चाललेला गणेशोत्सव हा देखावा साकारला आहे. या देखाव्यात सामाजिक बांधिलकी जपून आपले उत्सव साजरे करण्यात यावे, असा संदेश तरुण पिढीला दिला आहे. यंदाचा हा देखावा सारंग केळकर यांनी साकारला असल्याची माहिती मंडळाचे अध्यक्ष वैभव हरदास यांनी दिली.