सकाळ वृत्तसेवा
ठाणे, ता. ३१ : लोकल प्रवासादरम्यान रॅकवर ठेवलेली बॅग चोरीला गेल्याचे घटना समोर आली आहे. त्या बॅगेत प्रत्येकी ४० हजारांचे दोन लॅपटॉप होते. या प्रकरणी ठाणे लोहमार्ग पोलिस ठाण्यात गुन्हा दाखल आहे.

बॅंकेत नोकरी करणारे ऋतिक धुमाळ हे दिवा, गणेशनगर येथे राहतात. नेहमीप्रमाणे कामावरून सुटून घरी जाण्यासाठी त्यांनी कुर्ला रेल्वे स्थानकातून २६ ऑगस्ट रोजी रात्री टिटवाळा लोकलमध्ये ते गर्दीत चढले. तसेच बसण्यासाठी जागा मिळाल्यावर त्यांनी बॅग रॅकवर ठेवली. रात्री पावणे अकरा वाजण्याच्या सुमारास लोकल मुंब्रा रेल्वे स्थानकात थांबल्यावर त्यांनी रॅकवर ठेवलेली बॅग पाहिल्यावर ती दिसली नाही, म्हणून तिचा डब्यात शोध घेतला. ती कोणीतरी चोरून नेल्याप्रकरणी त्यांनी ३० ऑगस्ट रोजी तक्रार नोंद केली. या प्रकरणी ठाणे लोहमार्ग पोलिस ठाण्यात गुन्हा दाखल करण्यात आला आहे.