बोर्डी (बातमीदार) : चिंचणी येथील विवेक बाळकृष्ण शहा ६९ यांचे अल्पशा आजाराने रविवारी (ता. ३१) निधन झाले. त्यांच्या पश्चात मुलगा यश, मुलगी मेघना असा परिवार आहे. त्यांच्या पार्थिवावर बोईसर येथील स्मशानभूमीमध्ये अंत्यसंस्कार करण्यात आले. या वेळी रामचंद्र सावे, चिंचणी वानगाव शेतकरी संघटनेचे अध्यक्ष राजीव चुरी, उद्योजक शैलेश गाला आदी ग्रामस्थ उपस्थित होते. विवेक शहा हे कृषी क्षेत्रातील महामेरू म्हणून ओळखले जात असत. पालघर जिल्ह्यात किंबहुना पूर्वीच्या ठाणे जिल्ह्यात ठिबक सिंचनाचा अवलंब करून फळभाज्या व भाजीपाला शेती विकसित करण्यामध्ये ते अग्रक्रम शेतकरी म्हणून उदयास आले होते. शेतीमध्ये शेडनेट पद्धतीचा अवलंब करणारे ते प्रथम शेतकऱ्यांत मोडले जात असत. अनेक शेतकऱ्यांना मार्गदर्शक म्हणून त्यांनी आपले योगदान दिले.