जव्हार (बातमीदार) : तालुक्यातील दादर कोपरा येथील २२ वर्षीय मुन्नी सोम्या अकणे ही विवाहित महिला १९ एप्रिल रोजी पहाटे ५ वाजण्याच्या सुमारास राहत्या घरातून बाहेर पडली. ती अद्याप परत आलेली नाही. ती अचानक घर सोडून निघून गेल्याचे नातेवाइकांनी सांगितले. याप्रकरणी जव्हार पोलिस ठाण्यात ती बेपत्ता असल्याची तक्रार दाखल करण्यात आली आहे. पोलिस उपनिरीक्षक संजय भुसाळ यांच्या मार्गदर्शनाखाली तपास सुरू आहे. या बेपत्ता महिलेबाबत कोणाला माहिती मिळाल्यास संपर्क करावा, असे आवाहन जव्हार पोलिस ठाण्याच्या वतीने केले आहे.