मेडिकल दुकानात चोरी
भिवंडी, ता. २ (वार्ताहर) : भिवंडी शहरात एका मेडिकल दुकानाचे शटर उचकटून चोरट्यांनी दुकानातील १० हजार रुपयांची रोख रक्कम लंपास केली आहे. अरिहंत सिटी या निवासी संकुलात संदीप दुबे यांचे औषध विक्रीचे दुकान आहे. ३१ ऑगस्टच्या मध्यरात्रीच्या सुमारास आलेल्या अज्ञात चोरट्याने दुकानाचे शटर वर उचलून त्यावाटे दुकानात प्रवेश करून दुकानाच्या गल्ल्यात ठेवलेले रोख १० हजार रुपये चोरले आहेत. याप्रकरणी शांतीनगर पोलिस ठाण्यात गुन्हा दाखल केला आहे.