बंजारा समाजाला
हैदराबाद गॅझेट लागू करा!
मुंबई, ता. ४ ः राज्य सरकारने हैदराबाद गॅझेट लागू करून मराठा समाजाचा ओबीसीमध्ये समावेश करण्याचा निर्णय घेतला. त्याच धर्तीवर बंजारा समाजालाही हैदराबाद गॅझेट लागू करून त्यांचा अनुसूचित जमातीमध्ये समावेश करण्यात यावा, अन्यथा आंदोलन छेडण्याचा इशारा माजी खासदार हरिभाऊ राठोड यांनी दिला.
मराठवाडा हा हैदराबादच्या निझाम प्रांताचा भाग होता. बंजारा समाज महाराष्ट्र राज्यनिर्मितीपूर्वी अनुसूचित जमातीमध्ये होता. मराठा समाजाला लावलेला नियम बंजारा समाजाला लागू करण्यात यावा. हैदराबाद गॅझेटच्या अधिकृत नोंदीमध्ये बंजारा/लाम्बाडी/लभाणा, सुगाळी आदींची स्पष्ट नोंद आहे. पडताळणीसाठी अनेक सरकारी नोंदी अधिकृत असल्याचे राठोड यांनी सांगितले.