कळव्यातील तरुण विटावा खाडीत पडला!
कळवा, ता. ४ (बातमीदार) : मुलुंडवरून कळव्यात आपल्या घरी ट्रेनमधून जात असताना एक तरुण दरवाजात उभा असताना तोल जाऊन विटावा खाडीच्या पाण्यात पडल्याची घटना गुरुवारी (ता. ४) घडली. कळवा येथील घोलाई नगर येथे राहणारा आकाश शर्मा (वय १९) हा कल्याण लोकल ट्रेनने गुरुवारी दुपारी एकच्या सुमारास मुलुंडवरून कळव्यात जात असताना दरवाजात उभा असताना अचानक तोल जाऊन विटावा खाडीतील पाण्यात पडला. तरुण खाडीतील पाण्यात पडल्याची माहिती मिळताच अग्निशमन दलाच्या जवानांनी व आपत्ती व्यवस्थापन कक्षाच्या कर्मचाऱ्यांनी घटनास्थळी धाव घेत विटावा खाडीत त्याचा शोधकार्य सुरू केला आहे.