जुन्या भांडणातून त्रिकूटाने फोडले डोके
ठाणे, ता. ७ : जुन्या भांडणाचा राग मनात धरून आकाश सोनवणे (४२) यांना त्याच्या घराबाहेर बोलवून एका त्रिकूटाने शिवीगाळ करीत लाकडी दांडक्याने बेदम मारहाण केल्याची घटना लोकमान्यनगर परिसरात शुक्रवारी (ता. ५) रात्री घडली. या मारहाणीत आकाश यांचे डोके फुटले असून याप्रकरणी त्या त्रिकूटाविरोधात गुन्हा दाखल करण्यात आला आहे.
लोकमान्यनगर पाडा नंबर दोन येथील तक्रारदार आकाश सोनवणे हे शुक्रवारी रात्री राहत्या घरात आराम करीत होते. त्या वेळी पाडा नंबर तीन येथील राजकुमार हिरवाळे आणि पाडा नंबर दोन येथील चिक्या व यश धनगर हे तिघे तेथे आले. त्यांनी जुन्या भांडणाचा राग मनात धरून शिवागीळ करीत मारहाण करून पळून गेले. यामध्ये तक्रारदार सोनवणे यांच्या डोक्याला दुखापत झाल्याचे तक्रारीत नमूद करण्यात आले असून याप्रकरणी वर्तकनगर पोलिस पुढील तपास करीत आहेत.