टिटवाळ्यातील अजिंक्य-अस्मिताचे क्रीडा क्षेत्रात यश
टिटवाळा (वार्ताहर) : नुकत्याच झालेल्या जिल्हास्तरीय आणि आंतरराष्ट्रीय क्रीडा स्पर्धांमध्ये टिटवाळा येथील अजिंक्य विनोद इंगळे (इयत्ता १० वी) आणि अस्मिता विनोद इंगळे (इयत्ता ८ वी) यांनी दमदार कामगिरी करत शहराचा गौरव वाढवला आहे. ९ सप्टेंबर २०२५ रोजी कल्याण येथे झालेल्या जिल्हास्तरीय बॉक्सिंग स्पर्धेत अजिंक्य इंगळेने वयोगट १४ मध्ये ब्राँझपदक जिंकले. यानंतर रविवारी (ता. १४) मुंबईतील अंधेरी स्पोर्ट्स कॉम्प्लेक्समध्ये झालेल्या आशिया कप आंतरराष्ट्रीय कराटे स्पर्धेत अजिंक्य आणि अस्मिताने उत्कृष्ट प्रदर्शन केले. या स्पर्धेत जवळपास ५०० खेळाडूंनी भाग घेतला होता. अजिंक्यने कराटे काता आणि फाइट या दोन्ही प्रकारांमध्ये ब्राँझपदक मिळवले. त्याच्या बहिणीने अस्मिताने कराटे काता प्रकारात सुवर्ण आणि फाइट प्रकारात ब्राँझपदक पटकावले. अजिंक्य-अस्मिताच्या या यशामुळे परिसरात कौतुकाचा माहोल आहे. मेरिडियन शाळेतील शिक्षकांनी त्यांचे अभिनंदन केले असून, भविष्यातही त्यांनी याच प्रकारे प्रगती करण्याचा विश्वास व्यक्त केला आहे.