बंद कचरागाडीमुळे वाहतूक कोंडी
धारावी, ता. २८ (बातमीदार) ः धारावीतील संत कक्कया मार्गावरील गुल मोहम्मद चाळीसमोर पालिकेने कचरा संकलनासाठी कचऱ्याचा डब्बा ठेवला आहे. येथील कचरा उचलण्यासाठी पालिकेच्या ठेकेदाराने आणलेल्या गाडीचे एक चाक पंक्चर झाले होते. त्‍यामुळे या मार्गावर मोठी वाहतूक कोंडी झाली होती. कचरा उचलण्यासाठी असलेल्या गाड्या जुन्या झाल्याने असे प्रकार सतत घडत असतात. त्‍यामुळे स्थानिक रहिवासी संताप व्यक्त करीत आहेत. पालिकेने तातडीने जुन्या वाहनांच्या वापरावर बंदी घालून नव्या गाड्या घ्‍याव्यात, अशी मागणी केली जात आहे.