श्री करवीर निवासिनी कोल्हापूरच्या महालक्ष्मीचा देखावा
ओम साई मित्रमंडळ
मुंबई, ता. १ (प्रतिनिधी) : यंदा महाराष्ट्रातील साडेतीन शक्तीपीठांपैकी श्री करवीर निवासिनी कोल्हापूरची महालक्ष्मी अंबाबाईचा देखावा ओम साई मित्रमंडळ सार्वजनिक नवरात्रोत्सव मंडळाने केला आहे. मशीद बंदर, लोखंड बाजार या ठिकाणी संगीताताई माडकर या महिलेने २४ वर्षांपूर्वी या ठिकाणी देवीची स्थापना केली होती. मंडळाने यापूर्वी तुळजापूरची आई तुळजाभवानीमाता, नाशिक वणी येथील आई शप्तशृंगीमाता यांचे देखावे केले होते. पुढील वर्ष २५ हे रोप्यमहोत्सवी असल्यामुळे मंडळाने माहूरगडची रेणुकामाता देवीची स्थापना केली आहे. गेल्या नऊ दिवसांपासून या ठिकाणी महिलांच्या हस्ते महिला बचत गटातर्फे आरती भजन केले जाते. मंडळाच्या वतीने विविध सांस्कृतिक कार्यक्रम व भंडाऱ्याचे आयोजन केले जाते. या ठिकाणी विभागीय आमदार राहुल नार्वेकर तसेच भाजप मुंबई सचिव अमोल जाधव त्याचप्रमाणे धर्मेंद्र सोनू दुबे आदी मान्यवरांनी उपस्थिती दर्शवली होती.

कोट १)

आमच्या मशीद बंदर विभागामध्ये सर्व जाती-धर्माचे लोक दर्शनासाठी येतात. त्यामुळे या ठिकाणी स्थानिकांमध्ये उत्साह आहे. तरुण पिढी स्वतःहून आरती, भजन, कीर्तनासाठी उपस्थित असतात.
- निमेश पवार, उपाध्यक्ष

२)
मशीद बंदर हा विभाग व्यापारी पेठ म्हणून प्रसिद्ध असला तरी या ठिकाणी स्थानिक रहिवासीदेखील राहत आहेत. त्यामुळे आमच्या मंडळाच्या देवीच्या दर्शनासाठी येतात व व्यवसायात नुकसान झाले असेल तर या ठिकाणी देवीकडे साकडे घालतात.
- आदिनाथ कालिदास भोसले, सचिव