तारापूर (बातमीदार) : मुरबे बंदर रद्द करण्याच्या मागणीसाठी शनिवारी (ता. ४) मुरबे आणि नांदगाव येथील स्थानिकांनी तारापूर एमआयडीसीतील जेएसडब्ल्यू स्टील कंपनीच्या प्रवेशद्वारावर मोर्चा काढला. मुरबे बंदरासंदर्भात सोमवारी (ता. ६) होणारी जनसुनावणी व बंदर रद्द करा, अशी मागणी मोर्चेकरांनी केली. या वेळी मुरबे जिंदाल बंदरविरोधी संघर्ष समितीच्या वतीने कंपनीच्या व्यवस्थापनाला निवेदन दिले. प्रस्तावित मुरबे बंदराला स्थानिकांचा विरोध दर्शवून परिसरातील सर्व ग्रामपंचायतींनी ग्रामसभेत विरोधाचे ठराव पारीत केला आहे. या प्रस्तावित बंदराचा धोका, दुष्परिणाम पाहता मासेमारी क्षेत्र, नौकानयनाचा मार्ग बाधित होऊन मच्छीमारी संपुष्टात येणार आहे, असे म्हटले आहे.