आरक्षण सोडतीसाठी गुरुवारी सभा
अलिबाग, ता.६ (वार्ताहर)ः जिल्हा परिषद व पंचायत समिती सार्वत्रिक निवडणूक-२०२५ करिता राज्य निवडणूक आयोगाने पंचायत समितीच्या सभापती पदाकरिता आरक्षण जाहीर केले आहे. रायगड जिल्ह्यातील १५ पंचायत समित्यांचे सभापती पदाचे आरक्षण अडीच वर्षाच्या कालावधीकरिता निश्चित केले आहे. याकरिता जिल्हा नियोजन भवन, जिल्हाधिकारी कार्यालय येथे गुरुवारी (ता.९) विशेष सभा होणार आहे.
अनुसूचित जातीसाठी एकही जागा नाही. अनुसूचित जाती (महिला) १, अनुसूचित जमाती १, अनुसूचित जमाती (महिला) १, नागरिकांचा मागास प्रवर्ग २, नागरिकांचा मागास प्रवर्ग (महिला) २, सर्वसाधारण प्रवर्ग ४, सर्वसाधारण प्रवर्गासाठी (महिला) राखीव असल्याने जिल्ह्यातील पंचायत समितीच्या सभापती पदांची संख्या ४ आहे. या १५ पंचायत समित्यांचे सभापती आरक्षण निश्चित करण्यासाठी जिल्हा नियोजन भवन, जिल्हाधिकारी कार्यालय येथे गुरुवारी (ता. ९) विशेष सभा होणार आहे.