तनुजा शहा यांना प्रतिभावन उद्योजिका पुरस्कार
सकाळ वृत्तसेवा
ठाणे, ता. ९ : अग्रवाल कॉलेज कल्याण येथे इंडियन कॉपीराईट प्रोटेक्शन मुंबई सहकर्म सामाजिक कल्याण फाउंडेशन (रजि ) आयोजित महाराष्ट्र गौरव पुरस्कार २०२५ सन्मान निष्ठेचा गौरव कर्तृत्वाचा हा कार्यक्रम दिमाखदार पद्धतीने साजरा करण्यात आला. या कार्यक्रमात महेंद्र गोवर्धन गवई (इंडियन आर्मी ऑपरेशन कारगिल) यांची प्रमुख उपस्थिती या कार्यक्रमाला लाभली होती. या कार्यक्रमात प्रतिभावन उद्योजिका पुरस्कार २०२५ तनुजा शहा यांना देण्यात आला.
तनुजा शहा यांच्या आत्तापर्यंतच्या विविध सामाजिक ॲक्टिव्हिटी आणि महिलांचे सक्षमीकरण करण्यासाठी त्यांना व्यवसाय आणि व्यापार वृद्धिंगत व्हावा म्हणून केलेले प्रयत्न आणि आश्रम शाळेतील मुलांसाठी केलेले कार्य, ॲनिमल प्रोटेक्शन, मुलींसाठी विविध व्यावसायिक उपक्रम आदी केलेल्या कामचा गौरव या निमित्ताने करण्यात आला. या कार्यक्रमाचे आयोजक मुख्य तपास अधिकारी रामजीत गुप्ता, संस्थापिक अध्यक्ष शितल पाटील, शकुंतला तावडे, काजल सुर्वे, मेहराजुनीशा शकील, डॉ. सुमित्रा पाटील यांनी केले.