जिल्हास्तरीय कॅरम स्पर्धा उत्साहात
बोईसर ता.१२ (बातमीदार): डॉन बॉस्को शाळा व कनिष्ठ महाविद्यालय बोईसर येथे जिल्हास्तरीय कॅरम स्पर्धा खेळीमेळीच्या वातावरणात पार पडल्या. या स्पर्धेदरम्यान १४ , १७ व १९ वर्षाखालील मुले व मुली या गटामध्ये एकूण २३४ खेळाडूंनी आपला सहभाग नोंदवला. प्रत्येक गटामधून प्रथम आलेल्या सहा खेळाडूंची निवड मुंबई विभाग स्तरासाठी करण्यात आली. या स्पर्धेसाठी जिल्हा क्रीडा कार्यकारी अधिकारी गिरीश इरनक हजर होते. या स्पर्धे यशस्वी करण्यासाठी डॉन बॉस्को शाळा व कनिष्ठ महाविद्यालय तसेच जिल्हाभरातील अनेक शारीरिक शिक्षण शिक्षकांनी महत्त्वाचे सहकार्य केले.