पूरग्रस्तांना नवी मुंबईतील ट्रस्टकडून मदत
तुर्भे, ता. १३ (बातमीदार) : राज्यातील धाराशिव आणि सोलापूरमधील पूरग्रस्तांना नवी मुंबईतील श्रीराम राधाकृष्णन मेमोरियल ट्रस्टने विविध प्रकारची मदत उपलब्ध करून दिली. स्थानिक प्रशासनाच्या संपर्कांच्या मदतीने लातूर, धाराशिव आणि सोलापूरमधील गावांमधील १५० हून अधिक पूरग्रस्त कुटुंबांना साहित्य किटचे वाटप करण्यात आले. पूरग्रस्तांसाठी दिलेल्या संचामध्ये तांदूळ, गहू, पीठ, साखर, चहापत्ती, मीठ, तेल, डाळ, मसाले, प्रसाधनसामग्री, चटया, ब्लँकेट्स, माचीस, मेणबत्ती या मूलभूत गोष्टी देण्यात आल्या.
मोहळ-पोफळी, औसा-बीरवली, औसा-टाका, कलंब-खोडला आणि कलंब-अथर्दी यासारख्या गावांमध्ये प्रत्यक्ष जाऊन हे संच पूरग्रस्त कुटुंबियाना देण्यात आले, अशी माहिती आर. राधाकृष्णन यांनी दिली. या कार्यात राहुल पवार, अजित, संतोष देशपांडे, जयश्री आदींनी विशेष मेहनत घेतली.