कामगार मृत्यूप्रकरणी तिघांवर गुन्हा
नवी मुंबई, ता.१४ (वार्ताहर): सीबीडी बेलापूर सेक्टर-१५ मधील एका इमारतीच्या ९ व्या मजल्यावरून पडून कामगाराचा झाला होता. या प्रकरणात सीबीडी पोलिसांनी ठेकेदार, सुपरवायझर तसेच बिल्डराविरोधात निष्काळजीपणाचा गुन्हा दाखल केला आहे.
उत्तर प्रदेशातील रामबाबू साहु (४५) पनवेल येथे राहत होता. सीबीडी सेक्टर-१५ येथील सारा रिऍलटी इमारतीवर काम करत असताना शनिवारी (ता.११) सायंकाळी ४ च्या सुमारास तोल गेल्याने खाली पडला. या घटनेत रामबाबूच्या डोक्याला गंभीर दुखापत झाल्याने त्याचा मृत्यू झाला. या घटनेची माहिती मिळताच सीबीडी पोलिसांनी घटनास्थळाची पाहणी केली. यावेळी कामगारांकडे सुरक्षाविषयक सामग्री नसल्याचे दिसून आले. त्यामुळे पोलिसांनी ठेकेदार अब्बास, सुपरवायझर साबीर तसेच सारा रिऍलटी ऍटेलिया प्रकल्पाचे बिल्डरविरोधात गुन्हा दाखल केला आहे.न