शेतकऱ्यांना नैसर्गिक शेतीचे प्रशिक्षण उत्साहात
मोखाडा, ता.१५ (बातमीदार)ः कृषी विद्यान केंद्र कोसबाड हिल अणि आत्मा कृषी विभाग मोखाडा यांच्या संयुक्त विद्यमाने आयोजित नैसर्गिक शेती प्रशिक्षण कार्यक्रम घेण्यात आला आहे. शास्रज्ञ भरत कुशारे यांनी मोखाडा तालुक्यातील आसे या गावात प्रशिक्षण दिले आहे. त्यामुळे येथील शेतकऱ्यांना शेतीचे महत्त्व समजले आहे. मोखाड्यात खरीपाचे क्षेत्र मोठे आहे. त्याचबरोबर फळबाग लागवड देखील करण्यात आली आहे. तसेच काही भागात रब्बी पीक घेतले जाते. सदरची शेती नैसर्गिक शेती करावी म्हणून कृषी विज्ञान केंद्र, कोसबाड व कृषी विभाग सरसावला आहे. मोखाड्यातील आसे येथील शेतकऱ्यांना नैसर्गिक शेतीचे तत्त्व, फायदे, पीक फेरबदल, जीवामृत, बीजामृत, दशपर्णी अर्क, ब्राह्मआश्र,अग्नी आश्र, निम आश्र व इतर निविस्ठा यांचे प्रात्यक्षिकां सहित शास्त्रज्ञ भरत कुशारे यांनी सविस्तर मार्गदर्शन केले आहे. यावेळी आत्मा कृषी अधिकारी अशोक महाले यांनी कृषी योजनांची माहिती दिली.