विमानतळ नामकरणाचा कीर्तनातून गजर
तुर्भे, ता. १८ (बातमीदार) ः नवी मुंबई आंतरराष्ट्रीय विमानतळाला दि. बा. पाटील यांच्या नावाची अधिकृत घोषण झाली नाही, त्यामुळे विमानतळाला दि. बा. पाटील यांच्या नावासाठी काटई गाव ग्रामस्थांनी कीर्तनातून गजर करण्यास सुरुवात केली आहे.
नवी मुंबई विमानतळाला दि. बा. पाटील यांचे नाव जाहीर झाल्यानंतर भूमिपुत्रांची दिवाळी धुमधडाक्यात साजरी होणार होती; मात्र पंतप्रधानांनी नाव जाहीर केले नसल्याने भूमिपुत्र ३ डिसेंबरला भव्य जनआंदोलन करणार आहेत. त्यासाठी येथील संघटनात्मक बैठकांचा धडाका लावण्यात आला आहे. तर आंदोलनाच्या जनजागृतीसाठी कीर्तनातून गजर केला जात आहे. कल्याण तालुक्यातील काटई गावात ५२ वर्षांपासून कीर्तन सेवा सप्ताह सुरू आहे. या सप्ताहात कीर्तन श्रवणाकरिता ठाणे तसेच रायगड जिल्ह्यातील भाविक येत असतात.