बसच्या चाकाखाली येऊन चिमुरड्याचा मृत्यू
भाईंदर, ता. १९ (बातमीदार) : रस्त्यावरच्या खडीवरून दुचाकी घसरल्यामुळे बसच्या चाकाखाली येऊन सव्वा वर्षीय असगर अली या चिमुरड्याचा मृत्यू झाला. भाईंदर पूर्व येथील गोल्डन नेस्ट चौक परिसरात रविवारी (ता. १९) दुपारी सव्वाबाराच्या सुमारास ही घटना घडली.
सोहेल पठाण हे मित्र मुस्तकीन याच्यासोबत दुचाकीवरून जात होते. असगर अली हा मागे बसलेल्या मुस्तकीन यांच्याजवळ होता. गोल्डन नेस्ट चौकात सुरू असलेल्या कामामुळे रस्त्यावर खडी पसरली होती. याच खडीवरून त्यांची दुचाकी घसरली आणि तिघेही खाली पडले. त्याच वेळी बाजूने जाणाऱ्या बसच्या मागच्या चाकाखाली असगर अली आल्याने त्याचा जागीच मृत्यू झाला. नयानगर पोलिसांनी बसचालकाला अटक केली असून, पुढील कारवाई सुरू आहे.