उल्हासनगर, ता. २० (बातमीदार) : दिवाळीच्या पार्श्वभूमीवर उल्हासनगर महापालिका आयुक्त व प्रशासक मनीषा आव्हाळे यांचा पत्रकारांसोबत गेट-टुगेदर कार्यक्रम पार पडला. यावेळी त्यांनी अतिवृष्टीमुळे खड्ड्यांच्या समस्येचा नाश करून वर्षाच्या शेवटी संपूर्ण शहरातील रस्त्यांना काँक्रीट-मास्टिक डांबराने सुधारित केले जाईल, असे आश्वासन दिले.
पावसाळ्यात खड्डे भरण्याचे काम सातत्याने केले; मात्र सातत्यपूर्ण पावसामुळे महापालिकेच्या कामात पिछाडी झाली. आता पाऊस जवळपास थांबल्यामुळे, मास्टिक अस्फाल्टच्या उकडत्या डांबरातून शहरातील रस्त्यांचे काम युद्धपातळीवर सुरू करण्यात आले आहे. एमएमआरडीएच्या सात काँक्रीट रस्त्यांच्या कामाला गती देण्यात आली आहे. आयुक्त आव्हाळे म्हणाल्या, खड्ड्यांमुळे अपघात टाळणे हे आमचे ध्येय आहे. यासाठी सार्वजनिक बांधकाम विभागाला जागरूकतेने काम करण्याचे आदेश दिले आहेत.
शहर विकासकामात फ्रंट फूटवर राहण्यासाठी तीन वर्षांचा आराखडा तयार करण्यात आला आहे. विविध ठेकेदारांना नियुक्त केले आहे आणि जर कामात कचुराई दिसून आली तर त्याला माफी नाही, असे आयुक्तांनी स्पष्ट केले. यावेळी कार्यक्रमात अतिरिक्त आयुक्त किशोर गवस आणि जनसंपर्क अधिकारी अजय साबळे उपस्थित होते.