राष्ट्रीय लोक दलाचा सर्व जागा लढवण्याचा निर्धार
घाटकोपर, ता. २१ (बातमीदार) ः मुंबई महापालिकेच्या येऊ घातलेल्या निवडणुकीत राष्ट्रीय लोक दल पक्षाने मुंबई महापालिकेतील सर्व २२७ प्रभागांवर उमेदवार उभे करण्याचा निर्धार केला आहे. शिवाजीनगर-मानखुर्द विधानसभा मतदारसंघातील जाहीर सभेत याबाबतची घोषणा करण्यात आली. या सभेला पक्षाचे महाराष्ट्र प्रदेश अध्यक्ष डॉ. वेदप्रकाश तिवारी, मुंबई शहराध्यक्ष अफरोज शेख, सरचिटणीस प्रकाश कुंभारे उपस्थित होते. आम्ही प्रत्येक प्रभागातून योग्य आणि स्वच्छ प्रतिमेचे उमेदवार उभे करू, असे डॉ. वेदप्रकाश तिवारी यांनी मार्गदर्शन करताना सांगितले.