उल्हासनगरमध्ये खुर्ची कारखान्याला आग
उल्हासनगर, ता. २१ (वार्ताहर) ः उल्हासनगर कॅम्प चार येथील मराठा सेक्शन परिसरात मंगळवारी (ता. २१) मध्यरात्रीच्या सुमारास एका खुर्ची निर्मिती कारखान्याला अचानक भीषण आग लागली. काही वेळातच आगीने रौद्ररूप धारण केले. घटनेची माहिती मिळताच अग्निशमन दलाच्या गाड्या तातडीने दाखल झाल्या. अनेक तासांच्या अथक प्रयत्नानंतर आगीवर नियंत्रण मिळवण्यात यश आले; मात्र तोपर्यंत कारखान्यातील सर्व साहित्य खाक झाले होते. या आगीत प्राथमिक अंदाजानुसार लाखोंचे नुकसान झाले आहे. घटनेत कोणतीही जीवितहानी झाली नसली तरी लाखोंचे नुकसान झाल्याचा अंदाज आहे. आग लागण्याचे नेमके कारण अद्याप स्पष्ट झालेले नाही. अग्निशमन दल आणि पोलिस तपास करीत आहेत.