दरीत फेकण्याची सोनाराला धमकी

टिटवाळा, ता. २९ (वार्ताहर) ः खडवली परिसरात गहाण ठेवलेल्या दागिन्यांवरून झालेल्या वादातून एका सोनाराला मारहाण करीत त्याच्याकडून तब्बल दोन लाख रुपयांची मागणी करून पैसे न दिल्यास दरीत फेकून जीव घेण्याची धमकी देण्यात आल्याचे समजते. सोनाराने या घटनेची माहिती पोलिसांना दिल्यानंतर टिटवाळा पोलिस ठाण्यात गुन्हा दाखल करण्याची प्रक्रिया सुरू आहे. प्राथमिक माहितीनुसार, आरोपींनी गहाण ठेवलेल्या दागिन्यांबाबत वाद घालत सोनाराला जबर धमक्या दिल्या आणि त्याच्यावर शारीरिक हल्ला केला.