धारावीतील संत रोहिदास मार्गावर सततची कोंडी
पादचाऱ्यांना रस्त्यावरून चालणे कठीण
धारावी, ता. ३० (बातमीदार) : धारावीतून सायनच्या व वांद्रेच्या दिशेने जाणाऱ्या संत रोहिदास मार्गावर सध्या प्रचंड वाहतूककोंडी होत आहे. त्यामुळे पादचाऱ्यांना रस्त्यावरून चालणे कठीण झाले आहे. यामुळे स्थानिक रहिवाशांमध्ये संतापाचे वातावरण निर्माण झाले आहे. या वाहतूक कोंडीमधून चालताना गैरसोय होत आहे.
सायन रेल्वेस्थानकासमोरील वाहतूक पूल बंद झाल्याने गेल्‍या एक वर्षापासून या पुलावरून होणारी वाहतूक धारावीतून वळवण्यात आली आहे. त्यामुळे धारावीतील अंतर्गत रस्त्यावर दिवसेंदिवस वाहतूक कोंडी होत आहे. काळा किल्ला परिसरातील फेरीवाले व दुकानदार आपले साहित्य उतरवून घेण्यासाठी जड वाहने रस्त्यावर उभी करतात. त्यामुळे या वाहतूक कोंडीत भर पडत आहे. तक्रारी आल्‍याने वाहतूक विभागातर्फे अशा उभ्या गाड्यांवर दंडात्मक कारवाई केली जात आहे.
रिक्षा, टॅक्सीचालक सायन स्थानकातून बाहेर येणाऱ्या प्रवाशांसाठी रस्ता अडवून उभे असतात. त्यांना आळा घालणे व शिस्त लावणे गरजेचे आहे. मात्र वाहतूक पोलिसांची पाठ फिरली की, पुन्हा रस्त्यावर वाहने उभी केली जात असल्याचे दिसून येत आहे. वाहतूक विभागाने यावर कायमचा तोडगा काढण्याची गरज आहे.
वाहतूक विभागाकडे संत रोहिदास मार्गावर होणाऱ्या वाहतूक कोंडीच्या सतत तक्रारी केल्या आहेत. त्यावर काही दिवस वाहतूक विभागाकडून कारवाई केली जाते. त्यात सातत्य नसते. त्यामुळे वाहतूक विभागाने या ठिकाणी चौकी बसवावी.
- संदीप कदम,
शाखाध्यक्ष, मनसे
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.