महाविकास आघाडीचा आज मोर्चा

मुंबई : मतचोरी, मतदार याद्यांमधील घोळ, निवडणुकीतील गैरव्यवहार याविरोधात महाविकास आघाडीच्या वतीने शनिवारी (ता. १) दुपारी १ वाजता ‘सत्याचा मोर्चा’ काढण्यात येणार आहे. या मोर्चात महाविकास आघाडीचे घटक पक्ष व मनसे सहभागी होणार आहेत. आघाडीचा हा मोर्चा दुपारी १ वाजता फॅशन स्ट्रिट येथून सुरू होईल. मेट्रो सिनेमामार्ग मुंबई महापालिकेच्या प्रवेशद्वारावर या मोर्चाचे सभेत रूपांतर होईल. या मोर्चात आघाडीचे नेते आणि मनसेचे अध्यक्ष राज ठाकरे, डाव्या पक्षाचे सर्व प्रमुख नेते उपस्थित असतील. या मोर्चासाठी गेल्या काही दिवसांपासून सर्वच राजकीय पक्ष तयारी करीत आहेत. शिवसेना (उद्धव ठाकरे) पक्ष आणि मनसेने या मोर्चासाठी बैठका घेत जय्यत तयारी केली.