राष्ट्राची एकता, अखंडता, सुरक्षेची शपथ
शिवडी, ता. ३ (बातमीदार) ः भारतीय विमानतळ प्राधिकरण जुहू विमानतळ मुंबई यांच्या वतीने दक्षता जनजागृती सप्‍ताहाच्‍या अनुषंगाने राष्ट्रीय एकता दिवस निमित्ताने जुहू चौपाटी येथे कार्यक्रमाचे आयोजन करण्यात आले होते. सरदार वल्लभभाई पटेल यांच्या १५० व्या जयंती दिनानिमित्त राष्ट्राची एकता, अखंडता व सुरक्षा कायम राहावी, यासाठी शपथ घेण्यात आली. हा कार्यक्रम जुहू विमानतळ संचालक सोनम नुरबु यांच्या मार्गदर्शनाखाली पार पडला. यात अधिकारी सुधीर जगदाळे, कुणाली शेंडे, संगिता जाधव, मीना जगदाळे, दीपक केळुस्कर, मीना व सुनिता नाशिककर आदी अधिकारी व कर्मचाऱ्यांनी सहभाग नोंदवला.