सचिन चौधरी यांच्या शिल्पकला प्रदर्शनाचे उद्घाघाटन
विरार, ता. ६ (बातमीदार) ः वसई तालुक्यातील वाघोली गावातील शिल्पकार सचिन चौधरी यांच्या कलाकृतीचे सातवे एकल प्रदर्शन मुंबईतील जहांगीर आर्ट गॕलरीत भरविण्यात आले आहे. या प्रदर्शनाचे आंतरराष्ट्रीय कीर्तीचे व भारताचे पायोनियर स्मारक शिल्पकार रॉबिन डेव्हिड, कला संसाधन संग्रहालयाचे प्रमुख डॉ. विशाल भटनागर बच्चे, एयूएमचे अध्यक्ष नरेंद्र बोरलेपवार, चित्रकार माणिक शिंगे, चित्रकार प्रकाश वाघमारे, साधना बहुलकर, वैशाली चौधरी आदी मान्यवरांच्या उपस्थितीत उद्घाटन करण्यात आले. पहिल्याच दिवशी जवळपास ५०० हून अधिक जणांनी या प्रदर्शनाला भेट दिली.